Bohol maoy top 20 sa nasud, no. 1 sa Central Visayas isip most competitive province 

Sinulat sa PRIMER

Bohol maoy miguwa nga top 20 sa nasod ug numero uno sa Central Visayas isip most competitive province.

Sa mga kasayoran nga nakuha gikan sa kagamhanang probinsiyal, nasayran nga nagpabilin ang Bohol sa  top 20 sa most competitive province sa nasud ug naguna  sa tibook Central Visayas region.
Kini gipahibawo sa Department of Trade and Industry (DTI) basi sa 2021 Cities and Municipalities Competitiveness Index (CMCI).
Ang criteria sa paghatag ug grado sa mga probinsya ug syudad ubos sa CMCI mao ang upat ka mga convergent pillars nga mao ang government efficiency, economic dynamism, infrastructure ug resilience.
Ang 2021 CMCI gipresentar atol sa tinuig usab nga Regional Competitive Summit (RCS) nga gi-livestream sa DTI niadtong Dis. 14, 2021.

Namintinar sa Bohol ang ika-20 nga ranggo sukad sa 2020 apan nahagbong ang Siquijor gikan sa ika-24 ngadto sa 27; Cebu, gikan sa 26 ngadto sa 50; ug Negros Oriental, gikan sa 43 ngadto sa 70.
Ang tinuig nga CMCI gimugna sa National Competitiveness Council pinaagi sa mga Regional Competitiveness Committees ug inabagan sa Unites States Agency for International Development.
Sa niaging semana, nag-una sa rehiyon ug nakuha sa kagamhanang probinsiyal sa Bohol ang Seal of Good Financial Housekeeping sa Department of Interior and Local Government.

Kini giingong laing pagmatuod sa katakus, accountability ug kasihag sa pagdumala sa lalawigan ubos sa Yap-Relampagos tandem.