Sinulat sa PRIMER
Personal nga gihatod ug gi-turn over ni Gob. ArthurnYap ang mobile water purification system sa local government unit (LGU) sa lungsod sa Alicia niadtong adlaw Dominggo.
Ang maong water mobile water purification system nga adunay usa ka water tanker, tulo ka truck nga adunay mounted purification machines (12 stages treatment) gikan sa lokal nga kagamhanan sa Pampanga ug dako kini nga tabang para sa mga kaigsuonan sa Alicia nga makatagamtam ug hinlo ug mainom nga tubig.
Dako usab ang pasalamat ni Yap ngadto kang kanhi President and kanhi Speaker Gloria Macapagal-Arroyo, Governor Dennis Pineda sa Pampanga ug Vice-Governor Nanay Lilia Pineda sa pagtubag sa iyang panawagan ug pagpahuwam niining maong mobile water purification system.
Magpabilin kini sa lungsod sa Alicia sulod sa usa ka semana ug human niini mobalhin kini sa laing lungsod.