Sinulat sa PRIMER
Gibisita ni Gob. Arthur Yap ang lungsod sa Danao ug gitunol ngadto sa 6 ka mga barangay ang ilang tagsa tagsa ka cheke para sa panubig.
Gawas pa niini, personal usab nga gi-turn over ni Yap ngadto kang Mayor Jose Cepedoza ang tulo ka generator sets isip tabang para makapa-andar sa waterworks system sa local government unit (LGU).
Dakong pasalamat ni Cepedoza ngadto kang Yap sa iyang personal nga pagbisita ug pagtan-aw sa mga kadaot nga nasinati sa ilang lungsod tungod sa bagyong Odette.
Matud pa ni Mayor ilang paningkamotan nga mamahimong “A better place to live for all Danao-anons with the help of Governor Art Yap” ang ilang lungsod sa umaabot nga panahon.
