Sinulat ni Elvira Bongosia
Ang Department of Social Welfare and Development (DSWD) nipagawas ug klaripikasyon kalabot sa pagpanghatag sa pinansyal nga ayuda alang sa mga biktima sa bagyong Odette.
Base sa Joint Memorandum Circular 5 (JMC 5) nga gilagdaan sa DSWD, Department of Interior and Local Government (DILG) ug Department of National Defense (DND), ang target beneficiaries sa pinansyal nga ayuda mao ang mga low income nga indibidwal ug pamilya nga labing apektado sa bagyong Odette.
Gi-klaro sa DSWD nga ang pinansyal nga ayuda gi-diretso ug padala ngadto sa mga local government units (LGUs) gikan sa Department of Budget and Management (DBM).
Ang mo-identify ug mo-payout ubos niining JMC 5 mao ang LGU ug gimonitor kini sa DILG.
Samtang ang Assistance to Individuals in Crisis Situation (AICS) sa DSWD alang sa pamilya nga naigo sa bagyong Odette katimbang sa distribusyon sa hinabang sa LGU.
Target niini mao ang pamilya nga grabeng naapektohan sa bagyong Odette nga wala maapil sa JMC 5, naa sa LGU nga walay pondo o LGU nga kulang ang pondo sa pagpanghatag og ayuda.
Ang matag benepisyaryo makadawat ug P5,000.
