Kag. Augustinus “Dodong” Gonzaga
Sinulat ni Dave Albarado
Subling gipahinumdom ni City Councilor Dodong Gonzaga nga ang deadline sa pagproseso o pagrenew sa business permit kay gilugwayan sa kagamhanan.
Kahinumdoman nga ang Sangguniang Panlungsod mipasar ug ordinansa nga mihatag ug lugway sa pagkuha o renew sa business permit.
Ang unang deadline sa pagkuha ug permit mao ang Enero 20, 2022 ug kini gihimo nga Pebrero 28, 2022 ug walay mga surcharge nga ipahamtang.
Matod ni Gonzaga nga ang Tagbilaran apil sa mga dapit nga grabeng naapektohan sa bagyo nga adunay dakong kadaot sa pipila ka mga kabalayan.
Nunot niini, ang bagyo mao sad ang hinungdan sa pagkawala sa kuryente, internet ug tubig.
Gumikan niini, nahukman sa konseho nga lugwayan ang deadline sa bayronon sa business renewal ngadto sa Peb. 28, 2022, aron abagan ang business recovery sa siyudad.