Sinulat ni Dave Albarado
Adunay laraw nga moangkat ang gobyerno sa 60,000 metric tons nga imported nga isdang galunggong aron mahulipan ang gilaomang kakuwangan sa local nga supply sa isda sa unang quarter ning tuig 2022.
Mao kini ang gisulti ni Agriculture Secretary William Dar human nga iyang gipirmahan ang certificate of necessity to import galunggong gumikan kay ang lokal nga supply dili pa igo tungod sa epekto sa bagyong Odette sa mga fishing areas sa nasud.
Gibanabana sa Bureau of Fisheries and Aquatic Resources (BFAR) ang kukuwang sa supply sa isda nga anaa sa 119 mil metric tons alang sa unang quarter.
Nagtukmod sa lakang nga mag angkat ug isda ang tinguha ngamagpabiling stable ang supply ug alang sa food security sa nasud.
Una nang gipahayag ni Dar nga ang fisheries sector ang usa sa mga pinakaapektado human mikusokuso si bagyong Odette sa Visayas ug Mindanao.
