Sinulat ni Dave Albarado
Ang Bol-anong boksidor ug garbo sa Tagbilaran nga si Mark “Magnifico” Magsayo mipadayag nga andam siya nga muatubang sa bisan kinsang kontra nga muparang kaniya musulay nga hagiton sya alang sa iyang titulo.
Niadtong Enero 23, 2022, midaog si Magsayo pinaagi sa majority decision batok kang Gary Russell Jr. didto sa New Jersey USA.
Tungod sa iyang kadaugan, ang 26 anyos nga si Magsayo mao karon ang bag-ong featherweight chanpion sa World Boxing Council (WBC).
Matud pa ni Magsayo nga karon siya na ang kampeon, wala nay rason nganong muatras siya sa bisan kinsa nga muhagit kaniya alang sa iyang titulo.
Kahinumdoman nga gipahimoslan sa Bol-anong boksidor ang gisinati nga torn tendon sa American boxer nga si Russell sa 10th round sa maong sangka.
Sa pagkakaron, wala pa say tubag si Magsayo sa hagit sa American boxer nga si Russell magpahigayon sila uy rematch.
