Sinulat ni Rey Anthony Chiu
Napasumpay na sa National Grid Corporation of the Philippines (NGCP) and nabugto nga 69 kv nga linya nga mag dala ug kuryente gikan sa Ubay mga 13 ka adlaw nga mas sayo sa gitakda nga deadline.
Ang maong linya mahimo na nga mulahos ang daloy sa kuryente nga gikan sa Ubay ngadto na sa Tagbilaran ug pipila ka mga dapit nga buot makakorente gamit ang temporaryong supply gikan sa Power Barge 104 nga nahimutang sa pantalan sa barangay Tapal, Ubay.
Tungod nga na sumpay na ang Ubay-Trinidad-Carmen line, mahimo na nga makadawat ug kuryente ang mga distribution utilities sa Bohol sama sa Bohol Electric Cooperative 1 and 2 ug ang Bohol Light Company Inc. niadtong Enero 18, 2022. Ang orihinal nga deadline nga getakda mao ang katapusang adlaw sa bulan sa Enero 2022.
Matud pa sa NGCP, nakompleto ang pagayo sa linya human nila gipatrabaho ang kapin sa usa ka libo ka lineman, engineers ug mga trabahante aron mapadali ang pagpakatay pagbalik sa korente ngadto sa mga substations sa Boheco 1, Boheco 2 ug sa Bohol Light Company Inc.
Sa pagkakaron, matud sa pahayag sa NGCP, kasamtangan na usab nilang gitrabaho ang nahibilin nga duha ka 138kV lines nga maoy kutay sa korente nga a gikan sa nasudnung grid nga maga agi sa Leyte.
Kini nga kutay karon kasamtangan nga putol tungod sa pagkahagsak sa duha ka higanteng tore nga gikabodan sa linya gikan sa submarine cable ngadto sa Tapal Ubay gikan sa Popoo isla sa Pres. Carlos P. Garcia, nga maoy dugokan sa gahum dagitab sa Bohol.
Kasamtangan nga anaa na sa 26MW ang korente nga nagamit sa Bohol sa pagka karon kulang kini kay sumala sa mga taho ang kinahanglanon nga supply sa Bohol anaa sa 91 megawatts.
Gipasalig sa NGCP nga padayonon nila ang pagpahiuli sa mga apektadong transmission lines sa labing dali nga panahon pinaagi sa pagpakig alayon sa mga pundok aron maseguro nga mabuhat nila nga luwas ang ilang gipanumpaan nga trabaho.
