Sinulat ni Dave Albarado
Pipila ka mga barangay sa lungsod sa Jagna ug Garcia Hernandez ang nakasinati sa pagbaha taliwa sa nagpadayon nga way undang nga pag-uwan, niadtong Enero 24, 2022 hangtod Enero 25, 2022 sa gabii.
Matud sa taho nga mokabat sa 40 ka pamilya ang gipang rescue ug gipabakwet didto sa lungsod sa Jagna.
Dugang sa taho nga nasinati sa barangay Can-upao sa lungsod sa Jagna ang pagbaha sa kadalanan niini.
Matod pa sa mga taho gikan sa Jagna nga ang ubang mga barangay nga anaa sa ubos nga bahin sama sa Poblacion, Pagina, Pangdan, Cantagay ug Tejero, maoy nakasinati ug lunop.
Gumikan niini, ang mga tinugyanan sa Municipal Disaster Risk Reduction and Management Office (MDRRMO) sa Jagna mihimo sa pag rescue sa mga apektadong residente ug gipabakwet ngadto sa luwas nga lugar.
Sa laing bahin, nakasinati usab sa pagbaha ang pipila ka bahin sa lungsod sa Garcia Hernandez tungod sa way puas nga pag uwan, matud sa mga taho.
