Sinulat ni Rey Anthony Chiu
Labing menos tulo ka buwan gikan sa ikaduha nga dose, kini maoy paabuton ayha pa makakuha sa gikinahanglan nga booster shot.
Kini, gawas lamang kon ang una nga bakuna nga gigamit mao ang Janseen sa Johnson and Johnsons nga kausa lamang itupok ug magkinahanglan lamang ug duha ka buwan aron makakuiha na sa booster shot.
Kini maoy unod sa National Vaccine Operations Center Advisory No. 126 base usab sa Department of Health (DOH) Memorandum No. 2021-0492 ug 2022-0024.
Sa girekomenda nga mga kombinasyon sa booster doses alang sa 18 anyos pataas, gipasalig na usab sa DOH nga gawas niadtong nabakunahan sa Gamaleya Sputnik V ug Sputnik Light nga wala pay Hemologous booster, luwas alang kanila ang heterologous booster vaccines nga AstraZenica, Pfizer, ug Moderna.
Kadtong midawat sa AstraZenica sa una nga dose, mahimo kanila ang AstraZenica, Pfizer, Moderna ug Spilutnik light isip booster.
Sa nabakunahan sa Moderna, kon dili Moderna ang booster, mahimo usab ang AstraZenica, Pfizer ug Sputnik Light.
Sa migamit sa Pfizer sa unang initial doses, mahimo magbooster sa AstraZenica, Moderna ug Sputnik Light.
Sa gigamitan sa bakuna nga Sinopharm ug Sinovac, sinopharm ug Sinovac ang girekomendar nga booster o kon wala niini, mahimo ang AstraZenica, Moderna ug Pfizer samtang pwede ang Sputnik Light sa nagSinovac.
