Bohol Tribune
Bisaya

DOH: Pagsunod sa health protocol, maayong air flow, bakuna epektibo batok sa airborne Covid

Sinulat ni Elvira Bongosia

Subling gipahinumdom sa Department of Health (DOH) ang kamahinungdanon sa minimum health protocol inubanan sa maayong air flow ug pagpabakuna isip protective measures batok sa airborne Coronavirus disease (Covid). 
Kini dungan sa pagklaro sa buhatan sa pagkatap sa Covid pinaagi sa airborne particles ug droplets. 
Pahinumdom ni DOH Kalihim Usec Maria Rosario Vergeire sa publiko, ang Covid daling mokatap pinaagi sa hangin. 
Matud pa ni Vergeire nga kinahanglan natong mosunod sa health protocol sama sa pagsuot ug face masks ug physical distancing, dili lamang sa atong kaugalingon apan apil usab sa mga nagpalibot kanato.
Agi ug pagsunod niini, gitumbok ni  Vergeire nga ang pagseguro nga maayo nga bentilasyon sa mga kabalayan, lugar sa trabaho, ug uban pang mga establisyimento hingpit nga gi-rekomenda aron tugotan ang sirkulasyon sa limpyo nga hangin sulod sa balay nga motabang nga magpugong sa pagkatap sa virus. 
Matud pa sa DOH nga ang saktong bentilasyon mahimong makab-ot pinaagi sa kanunay nga pag-abli sa mga bintana o pultahan alang sa preskong hangin nga motuyok o pagbutang ug electric fan atubangan sa bintana alang sa maayong sirkulasyon sa hangin.

Related posts

Lopez: Gi-agi sa ika-duha ka pagdis-infect ang Unison bus

The Bohol Tribune
7 years ago

NAPC ug Probinsya sa Bohol, milagda ug MOA pagsuporta sa 3S Program

The Bohol Tribune
6 years ago

PCA ngadto sa mga mag-uuma sa lubi: Salmot sa mga kooperatiba aron madugangan ang produktibidad, kita

The Bohol Tribune
4 years ago
Exit mobile version