Sinulat ni Dave Albarado
Giklaro sa Bureau of Immigration (BI) nga kadtong mga fully vaccinated nga mga langyaw nga turista lamang nga nagagikan sa 150 ka mga nasud nga nakalatid sa usa executive order ang makasud sa Pillipinas nga walay visa sugod karong Peb. 10, 2022.
Sa usa ka advisory, si BI commissioner Jaime Morente miingon nga ang usa ka langyaw nga gikan sa usa ka nasud nga wala sa lista sa mgagetagaan ug visa-free privilege, kinahanglan mulukat ug visa sa dili pa musud sa nasud.
Ang mga langyaw gikan sa dili momenus 150 ka mga nasud sa kalibutan mahimong makasuludug mahimong makasuroy suroy sa Pilipinas aning 30 ka adlaw.
Apil sa mga nasud diin gitugutan ang langyaw nga makasud sa Pilipinas bisan walay visa mao ang Canada, Singapore, USA, New Zealand, Malaysia, South Korea ug uban pa.
Matud ni Morante nga ang mga langyaw nga wala sa lista ang ilang nasud kinahanglan mokuha ug visa ug entry exemption certificate (EEC) sa kina duolan nga embassy o consulate sa Pilipinas sa ilang lugar.
Kinahanglan nga fully vaccinated usab ang maong langyaw nga gikan sa nasud na wala sa lista aron tagaan ug visa ug EEC.
Ang hepe sa BI miingon nga kinahanglan magpakita ug pagpamatuod nga nabakunahan na ang langyaw nga gilatid sa lista sa Inter Agency Task Force. Kung dili sila makapakita ug pagpamatuod nga nabakunahan na sila, dili pagawason sa airport ug pasakyon sa sunod nga flight pabalik sa ilang gigikanan.
Ang mga balikbayan nga mugamit sa ilang pribilihiyo kinahanglan usab nga hipno nga bakunado sa dili pa sila musud sa nasud.
Ang programa sa Balikbayan nagtugot sa mga kanhi Pilipino apil na ang ilang kapikas ug mga anak nga musud sa nasud bisan walay visa.
Ang mga turista nagkinahanglan nga magpakita ug negative polymerase chain reaction test result nga gikuha 48 ka oras sa dili pa musakay sa abyon, pasaporte nga balido aning 6 ka bulan ug health insurance nga adunay kantidad ug USD35,000 nga magamit aking ilang pagduaw sa Pilipinas.
