Sinulat ni Dave Albarado
Ang satisfaction rating ni Presidente Duterte nagpabilin nga anaa sa level nga “very good” pinasikad sa survey nga gihimo sa Social Weather Stations (SWS).
Nakakuha ang pangu sa nasud ug plus 60 nga net satisfaction rating sa survey nga gihimo niadtong buwan sa Dis. 2021 sa SWS.
Mas taas kini ug 8 porsyento kun itandi sa Sept. 2021 hinoon ubos kini kong ikomparar sa Nov. 2020.
Matud ni Linda Luz Guerero, ang presidente ug chief executive officer sa SWS, naa gihapon sa “honeymoon phase” ang presidente ug ang katawhan bisan pa ug pila nalang ka mga buwan ang nahabilin sa termino ni Duterte.
Matud pa sa Konstitusyon, kausa lang mahimong presidente ang usa ka Pilipino ug kini sud lang sa 6 ka tuig.
Ang honeymoon phase kong hisgotan ang satisfaction rating, nag latid ug maayong rating nga dili mumenos ug plus 30.
Matud ni Guerero ang padumala ni Duterte maoy nakaingon sa nindot nga sarisfaction rating nga gikan sa katawhan nga naapil sa mga gipangutana sa maong survey.
