Bohol Tribune
Bisaya

Gi-aprobahan sa IATF ang dugang ilhong vaxcert sa mga langyaw nga mosulod na nasod

Sinulat ni Elvira Bongosia

Nadugangan pa ang mga turistang langyaw nga makasulod sa Pilipinas nga ang kinahanglan lang nga ipakita mao ang pagmatuod nga kumpleto sila sa bakuna.

Sa gipahigayong briefing sa Malakanyang, gipahayag ni Acting Presidential Spokesperson Karlo Alexei Nograles nga pipila sa mga nasod nga nadugang nga mahimong makasulod ang ilang nasyonal basta adunay vaccination certificate mao ang Argentina, Cambodia, Spain, Syria, Portugal, Myanmar ug Brunei.

Naapil usab dinhi ang Chile, Denmark, Indonesia, Papua New Guinea, Peru, Azerbaijan, Macau ug ang Ecuador.

Ang pag-aproba nakalatid sa Inter Agency Task Force (IATF) Resolution No. 162.

Kalabot niini, gimanduan sa IATF ang Bureau of Quarantine, Department of Transportation One Stop Shop, ug Bureau of Immigration nga ilhon lamang ang mga proof of vaccination nga aprobado sa IATF.

Related posts

3 ka lungsod wala pa maka ‘liquidate’ sa SAP

The Bohol Tribune
5 years ago

DOH nagpasidaan batok sa mga scammers

The Bohol Tribune
3 years ago

BISAYA NEWS

The Bohol Tribune
3 months ago
Exit mobile version