Sinulat ni Elvira Bongosia
Gipagawas na sa Commission on Elections (Comelec) ang New Normal Manual alang sa May 2022 national ug local elections.
Sa ilang website, gi-post sa poll body ang manual nga gilangkoban sa mga sumbanan nga angay sundon sa mga botante sa Mayo 9, 2022 nga adlaw sa piniliay.
Ang mga kasagarang protocol mao ang kanunay nga pagsuot ug face mask ug face shield ug sundon ang uban pang minimum nga sumbanan sa panglawas sa publiko samtang naa sulod sa voting center.
Mopaubos sa non-contact temperature check sa pagsulod sa lugar. Ang mga may temperaturang 37.5 degrees Celsius angay dalhon sa mga medical personnel. Kun adunay hilanat, mahimong moadto ang botante sa isolation poling places (IPP) aron mobotar.
Angay obserbahan ang physical distancing nga dili moubos sa usa ka metro.
Moadto sa Voter’s Assistance Desk aron makakuha sa ilang presinto ug sequence number.
Magpabilin sa lugar sa botaran. I-sanitize ang mga kamot sa sanitation station sa dili pa mosulod sa lugar nga botaran.
Moadto sa lawak diin mobotar.
I-sanitize ang mga kamot sa sanitation station sa dili pa mosulod sa lugar nga botaran. Ihatag ang numero sa presinto ug sequence number. Human niining tanan, mahimo nang mobotar.
