Sinulat sa PRIMER
Gob. Art Yap personal nga mibisita sa Isla BilangBilangan Daku sa lungsod sa Bien Unido aron sa paghatod ug pag-apud-apud sa 8 kilos nga bugas ngadto sa katawhan niadtong Feb. 27, 2022.
Dakong kalipay ug pasalamat sa gobernador nga bisan sa adlaw nga Domiggo, mainiton ang pagdawat sa katawhan sa barangay Bilangbilangan Daku sa iyang pagbisita.
Gawas pa niini, gipa-ambit usab ni Yap ang nagkalain-laing programa sa iyang administrasyon para sa atong mga kaigsoonan nga nahimuyo sa ka-islahan.
Matud pa niya, iya nga isiguro nga ang atong mga mag-uuma ug mga mananagat makatagamtam ug igo nga tabang ug suporta gikan sa atong gobyerno.
Kauban sa gobernador sa nahisgutan nga kalihukan sila si Bien Unido mayor, Rene Borenaga, Bien Unido vice mayor Ramon Arcenal, Board Member Mimi Boniel, former Board Member Jovanna Jumamoy, former Ubay mayor Galiciano Atup, ug mga opisyales sa barangay.
