Sinulat ni Elvira Bongosia
Gilagdaan na ni Presidente Rodrigo Roa Duterte ang balaodnon nga nagsaka sa pinakaubos nga edad sa sexual consent gikan 12 ngadto sa 16 anyos aron mahatagan ug proteksyon ang mga bata batok sa pang-abusso nga sexual.
Nakalatid sa Republic Act No. 116481, nga nag-amyenda sa Anti-Rape Act of 1997, nga isipong statutory rape kun ang usa ka anaa na sa hustong panuigon makighilawas sa usa ka tawo nga wala pa nag-edad ug 16 anyos.
Taliwala niini, may ipahamtang nga pagklaro sa balaod, diin walay mahimong kriminal nga tolubagon ang pakighilawas sa 16 anyos kun ang partner niini mas taas pa ug edad ug tulo ka tuig ug kun ang pakighilawas nasabotan.
Sa laing bahin, dili mapatuman ang maong exemption kun ang biktima wala pa’y 13 anyos ang pangedaron.
Gilagdaan ni Duterte ang hiniusang bersyon sa mga balaodnon sa Senado ug Kamara niadtong Marso 4, 2022.
Usa ka kopya usab ang gipagawas sa media niadtong Lunes, Marso 7, 2022.
Sa wala pa nahimong balaod, ang Pilipinas ang ikaduha nga may pinakaubos nga edad alang sa sexual consent sa tibuok kalibotan, sunod sa Nigeria sa edad nga 11, matud pa sa Child Rights Network.
