Sinulat ni Elvira Bongosia
Giaprobahan na ni Presidente Rodrigo Roa Duterte ang rekomendasyon sa Department of Energy (DOE) nga ipatuman ang P2.5 bilyong Pantawid Pasada Program.
Kini aron maayudahan ang mga driber sa mga pampublikong sakyanan taliwala sa padayon nga pagsaka sa presyo sa produktong petrolyo tungod sa tensyon tali sa Ukraine ug Russia.
Sa usa ka pahayag, miingon si kanhi Cabinet Secretary ug acting presidential spokesman Karlo Nograles nga giaprobahan usab ni Presidente Duterte ang P500 milyong fuel discount program alang sa mga mag-uuma ug mga mangingisda.
“On the supply of oil, the President approved the recommendations of the Department of Energy (DOE) to implement the P2.5-B Pantawid Pasada, and P500-M fuel discount program for farmers and fisherfolks,” pahayag pa ni Nograles.
Matud pa ni Nograles, padayon nga magbantay ang DOE aron masigurong igo ang suplay sa produktong petrolyo sa nasod.
“The DOE will continue to monitor the sufficiency in supply and quality and will make sure there will be no short selling,” pahayag pa ni Nograles.
Gi-awhag usab sa Palasyo ang Kongreso nga repasohon ang Oil Deregulation Law.
“For the medium-term, we call on Congress to review the Oil Deregulation Law, particularly provisions on unbundling the price, and the inclusion of the minimum inventory requirements in the law, as well as giving the government intervention powers/authority to intervene when there is a spike and/or prolonged increase of prices of oil products,” pahayag pa ni Nograles.
Alang sa medium-term measures, angay usab nga magbaton ug strategic petroleum reserve infrastructure, Minimum Inventory Requirements (MIR) ug iduso ang energy conservation ug efficiency.
