Sinulat ni Dave Albarado
Posible nga dili kaayo apektado ang Pilipinas sa gubat tali sa Ukraine ug Russia. Matud pa Bangko Sentral ng Pilipinas (BSP) nga ang limitadong koneksyon sa nasud ug Ukraine maoy makapanalipod sa ekonomiya sa Pilipinas sa mga epekto sa gubat.
“[T]he Philippines’ geographic distance and limited economic link to both Russia and Ukraine, as well as its strong macroeconomic fundamentals, could insulate the domestic economy during the current risk-off episode,” matud sa usa ka tweet ni BSP governor Benjamin Diokno niadtong Mar. 14, 2022.
Ang mga exports sa Pilipinas ngadto sa Russia niabot sa kantidad nga $120 million o mga 0.2% sa kinatubuk-an nga mga exports. Ang exports sa Pilipinas sa Ukraine niabot lang sa $5 million.
“Other economic linkages through investments, remittances, and tourism were also limited,” dugang sa hepe sa BSP.
Matud pa niya ang inflation sa nasud anaa lang sa 3% ang average nga sulod sa target nga 2 ngadto sa 4%.
Nakasabot ang BSP nga adunay posibilidad nga musaka ang inflation tungod sa pagmahal sa presyo sa gasolina ug krudo.
“Doing sensitivity analysis, we arrived at the following forecasts: if average world price of oil is US$95 per barrel, domestic inflation will be 4.0%; if US$120 per barrel, it will be 4.4 %; and if US$140 per barrel, it will be 4.7 percent,” matud ni Diokno.
Sa pagsulat niining balita, kay niabot na sa $101.34 ang presyo sa matag baril sa Brent crude oil, matud sa CNN Philippines.
