Gikan sa Philillppine Information Agency
Aron panalipdan ang lokal nga poultry industry, mipagawas ug executive order si Gob. Arthur Yap aron mapugnan ang pagsud sa Avian Influenza o kon naila usab isip bird flu.
Daan na nga adunay hagit gikan sa mga makatakod nga sakit sama sa Coronavirua disease (Covid) ug Affican Swine Fever. Karon nagmugna ug paagi ang kagamhanang probinsyal aron mapugnan ang mga nagdala ug sakit sa mga mananap sama sa langgam ug manok.
Pinaagi sa usa ka executive order, temporaryong ginadili ang pagsulod sa mga domestic o dinakop nga mga langga, live poultry, poultry products ug by-products ngadto sa Bohol gikan sa Luzon sulod sa 30 ka adlaw.
Ang Executive Order No. 12, series of 2022 miluwat usab nga ginadili ang pagsulod sa mga native chickes, pato, ug uban pa, apil ang itlog, balut nga basin nadala ug kagaw nga maoy hinungdan sa bird flu.
Mulungtad ang pagpugong sa pagsulod sa mga langgam o kaha mga poultry ug poultry products hangtud sa Abril 8, 2022.
Gipagawas ang EO human ang Department of Agriculture pinaagi sa Bureau of Animal Industry-Animal Disease Diagnostics and Reference Laboratory (ADDRL) nakabaton ug impormasyon sa mga sample gikan sa Bulacan ug Pampanga nga adunay kagaw nga maoy hinungdan sa bird flu.
Avian influenza o bird flu usa ka matang sa makatakod nga sakit nga ang mga mananap sama sa langgam, pato, o manok ang apektado.
Apektado usab ang mga lugar sama sa Laguna ug Camarines Sur.
Ang ADDRL kasamtangan nga nagpadala ug mga surveillance teams sa laing lugar aron suta-on kun adunay laing kaso sa bird flu.
Ang temporaryong pagpugong sa pagsulod sa poultry, langgam ug mga produktong poultry aron panalipdan ang local nga industriya sa poultry nga adunay kantidad nga P1.8 billion.
