Sinulat ni Elvira Bongosia
Dili na i-uswag sa Bureau of Internal Revenue (BIR) ang deadline sa pagbayad ug buhis karong buwan sa Abril alang sa tuig 2021 aron makab-ot sa ahensya ang pinakadakong binuwang revenue target collection.
Sa usa ka revenue memorandum order, gimanduan ni Internal Revenue Commissioner Caesar Dulay ang mga revenue officer sa BIR nga mangolekta ug P252.6 bilyong buhis karong Abril, dungan sa deadline sa pagduso ug pagbayad sa annual income tax returns (ITR).
Niadtong 2020, taliwala sa enhanced community quarantine (ECQ) nga gipatuman tungod sa pagsugod sa pandemya, giusab sa BIR ang 2019 ITR filing ug deadline sa pagbayad sa Hunyo isip paghatag ug konsiderasyon sa mga nagbayad ug buhis.
Niadtong milabay nga tuig, wala na i-uswag sa BIR ang deadline sa pagbayad sa buhis tungod sa hinay-hinay na nga pagbukas ug balik sa ekonomiya ug pagluag sa mga paghugot sa quarantine.
Niadtong 2021, napasaka sa BIR ang ilang koleksyon sa buhis nga 6.5 porsyento o P2.078 trilyon, bisan mas ubos ug gamay sa P2.081 trilyon nga target. Sa wala pa ang pandemya, nakakolekta ang BIR ug rekord nga P2.18 trilyon niadtong 2019.
Alang sa tuig 2022, ang BIR gitahasang mangolekta sa kinatibuk-ang P2.44 trilyon nga kantidad sa buhis.
Dakong porsyento sa target nga koleksyon sa buhis sa BIR sa tuig 2022 maggikan sa personal net income ug corporate profits, nga nagkantidad sa gibanabanang P1.23 trilyon.
Tumong sa BIR nga makakolekta ug P501.6 bilyon nga maggikan sa 12-percent value-added tax (VAT), P136.7 bilyon gikan sa percentage tax, ug P226.4 bilyon sa uban pang mga buhis.
