Sinulat ni Elvira Bongosia
Opisyal nang gi-deklara sa Philippine Atmospheric, Geophysical and Astronomical Services Administration (PAGASA) ang pagsugod sa dry season o panahon sa ting-init sa nasud.
Matud pa sa weather bureau, nahuman na ang panahon sa amihan o northeast monsoon mao nga mapaabot na ang mas init nga panahon sa mga mosunod nga adlaw.
Gitan-aw nga molanat ang panahon sa ting-init sa tung-tunga sa tuig 2022.
Samtang ang mga pag-uwan sa nasud ma-impluwensyahan na sa easterlies o hanging nag gikan sa Kadagatang Pasipiko ug mapaabot na usab ang mga localized thunderstorm.
Tambag sa PAGASA sa publiko, batasanong moinom ug daghang tubig aron makalikay sa heat stress.
