Sinulat ni Dave Albarado
Gob. Arthur Yap mitambong kauban si Department of Trade and Industry Secretary Ramon Lopez sa gipahigayon nga pag-apud apud sa Pangkabuhayan sa Pagbangon at Ginhawa (PPG) ug Livelihood Seeding Program-Negosyo Serbisyo sa Barangay Negosyo Kits (LSP-NSB) sa lungsod sa Loboc ug Trinidad niadtong Mar. 21, 2022.
Dakong pasalamat ni Yap ngadto kang Sec. Lopez sa personal niya nga pagbisita dili lamang sa pagpanghatag sa ayuda kundi para makita ang kasamtangang kahimtang sa mga gagmayng tigpapatigayon sa atong lalawigan.
Mapasalamaton usab ang gobernador sa DTI kay sukad pa sauna sila katambayayong sa kagamhanang probinsyal.
Matud pa sa gobernador, importante ang paagsuporta sa atong mga micro small and medium enterprises (MSME) kay usa sila sa nagpadagan ug nagpatuyok sa ekonomiya sa atong nasud.
Dugang pa ni Yap, bug-os ang iyang pagsuporta sa mga programa sa DTI tungod kay kini nag-pokus sa pamilyang Bol-anon.
Sa iyang bahin, nalipay si Lopez nga nakita ug nakauban niya pag-usab si Yap nga iyang gi-isip nga mentor niya sa sila nagsugod pa lang sa serbisyo publiko kaniadto.