Sinulat ni Elvira Bongosia
Namahayag ang Philippine Institute of Volcanology and Seismology (Phivolcs) nga ang paglihok karong bag-o lang sa Leyte Island fault line usa ka pahinumdom sa publiko nga mag-andam sa mas kusog nga linog.
Ang Leyte Island fault line parte sa 1,200-kilometer-long Philippine fault zone, usa ka nag-unang tectonic feature nga naa sa tibuok kapupud-an sa Pilipinas gikan sa amihanang kasadpan sa Luzon hangtod habagatan silangan sa Mindanao.
Matud pa ni Phivolcs Director Renato Solidum, ang magnitude 5.3 nga linog sa Burauen, Leyte niadtong Marso 21, 2022 gipaabot nga nagsunod sa nahitabong linog sa Leyte niadtong 2017.
“We should take these earthquake occurrences as a reminder that we need to prepare for strong earthquakes. We don’t know if this will be succeeded by big events,” pahayag ni Solidum.
Kahinumdoman nga niadtong Hulyo 6, 2017 sa dihang gitay-og ug magnitude 6.5 nga linog ang syudad sa Ormoc ug lungsod sa Kanaga sa Leyte, dili moubos sa upat ang namatay ug kapin sa 100 ang naangol.
Niadtong 2018, nipasidaan na ang Phivolcs sa posibleng kusog nga linog sa central Leyte ilabi na nga ang Philippine fault sa probinsya wala bisan kanus-a nitay-og sulod sa kapin 100 ka tuig.
Na obserbahan usab sa ahensya nga ang 100 metrong parte sa Philippine fault system gikan Albuera paingon sa Mahaplag hinog na alang sa kusog nga linog.
