Sinulat ni Elvira Bongosia
Nagpasidaan si Presidente Rodrigo Roa Duterte nga daku ang posibilidad nga mabuhi ang ilegal nga droga sa higayon nga matapos na ang iyang termino.
“I do not really say it with certainty that illegal drugs will return,” pasidaan pa ni Pangulong Duterte sa iyang Talk to the People, Martes sa gabii, Marso 29, dungan sa pag-ingong, “Maybe a resurgence a little bit. Trying to feel.”
Matud pa sa pangulo nga ang ilegal nga droga mahimong dalhon pasulod sa Pilipinas sa mga negosyanteng intsik nga nag-operate sa ubang nasod.
Apan bisan pa niini, giseguro niya nga walay ‘Filipino-Chinese’ ang malambigit niini.
“Unfortunately, it leaves a bad taste in the mouth. But it’s Chinese, not the Filipino-Chinese ..behind it,” matud pa ni Presidente Duterte.
“This is outside. This is the triad operating in Laos and Afghanistan. There’s no limit to the hectares ..of land used.. for shabu [crystal meth],” matud pa sa pangulo.
Gitumbok pa ni Presidente Duterte nga lisod nga mokatap ang ilegal nga droga sa Afghanistan kun masudlan na kini sa Russia ug Estados Unidos.
Apan matud pa nga ang mga “despots” ang nagmando niini.
Samtang gi-angkon sa pangulo ang pagkabuhi ug balik sa ilegal nga droga bisan sa iyang drug war, o mas giila isip “Oplan Tokhang” nga iyang gilusad niadtong Hunyo 30, 2016.
Ang maong war on drugs nakadani ug daghang pagsaway di lamang dinhi sa Pilipinas apan bisan gikan sa nagkalain-laing parte sa kalibotan tungod sa giingong “bloody execution” niini.
