Sinulat ni Elvira Bongosia
Nanawagan si Presidente Rodrigo Roa Duterte sa publiko nga dili ibotar ang Makabayan party-list groups nga matud pa niya “legal fronts” sa Communist Party of the Philippines (CPP).
Sa iyang Talk to the People, Martes sa gabii, giila sa Pangulo ang maong mga party-list groups nga Kabataan, Anakpawis, Bayan Muna, ACT Teachers ug Gabriela.
“Makita naman ninyo sa behavior nila and the way they espouse their advocacy for a party, left ang talagang drift nila,” matud pa sa Pangulo.
“Ang problema they are supporting or they are really parang legal fronts ng Communist Party of the Philippines. … Dalawang ulo nito, miyembro ng Congress, sundalo, at hindi lang part-time. ‘Yan ang totoo,” dugang pahayag pa niini.
Matud pa ni Presidente Duterte nga nasayang lamang ang salapi sa gobyerno gikan sa mga party list sa Makabayan tungod kay naadto lamang ang budget nila sa NPA.
Gi-akusahan usab niini ang rebeldeng komunista nga nikita ug salapi gikan sa pag-endorso sa mga kandidato diin ang mga lider lamang niini ang nagpahimos.
“They are earning billions. Kayong mga NPA na nasa gubat ngayon na gutom walang makain, may sakit, ang inyong liderato bilyon ang nakukuha nyan,” matud pa sa Pangulo.
Samtang gitambagan usab sa Presidente ang mga kandidato nga nagplanong magpahigayon ug pagpangampanya sa mga “critical areas” nga mokonsulta una sa mga polis ug militar alang sa ilang seguridad.
