Sinulat ni Elvira Bongosia
Mahimo nang makasulod sa nasud ang mga byahero pinaagi lamang sa pagpresenta ug antigen test.
Kini human gitugotan sa Inter-Agency Task Force (IATF) ang paggamit sa rapid antigen test nga himuon sa mga healthcare professionals isip entry requirement alang sa mga byahero.
Matud pa ni Acting Presidential Spokesperson ug Communications Secretary Martin Andanar, angay nga ang ipakitang antigen test administered ug sertipikado sa heathcare professionals sa usa ka healthcare facility, laboratoryo, clinic, parmasya o uban pang parehong establisyemento gikan sa gigikanan nga nasud sa byahero.
Ubos sa gipatuman nga IATF Resolution 165, mahimong makasulod sa Pilipinas ang foreign travelers, sa kondisyong kinahanglang fully vaccinated batok sa Coronavirus disease 2019 (Covid) ug adunay proof of vaccination.
Required usab ang mga langyaw nga mag-prisinta ug negatibong reverse transcription-polymerase chain reaction (RT-PCR) test nga gihimo sulod sa 48 oras o negative laboratory-based antigen test nga gihimo sulod sa 24 oras sa dili pa ang ilang pag-abot sa nasud.
Samtang gi-abrobahan usab sa IATF ang “acceptance and recognition” sa national Covid vaccination certificates sa mga nasud nga Bangladesh, Mexico, Panama ug Slovak Republic, alang sa arrival quarantine protocols, ug bisan alang sa interzonal o intrazonal movement.
Matud pa ni Andanar nga ang Bureau of Quarantine, One-Stop-Shop sa Department of Transportation ug Bureau of Immigration gimanduan nga ilhon lamang ang mga proofs of vaccination nga aprubado sa IATF.
Base sa Resolution 165 nga gipagawas sa IATF-EID, ang uban pang dawaton nga proofs of COVID-19 vaccination naglakip sa World Health Organization (WHO) International Certificate of Vaccination and Prophylaxis, VaxCertPH, national o state digital certificate sa foreign country nga modawat ug VaxCertPH, ug uban pang proof of vaccination nga gitugotan sa IATF-EID.
Gitugotan na sa gobyerno ang mga foreign travelers nga bisitahon ang nasod bisan pa walay entry exemption document (EED), kinahanglan lamang nga mosunod sila sa applicable visa requirements ug immigration entry ug departure formalities.
Ang mga byeherong langyaw kinahanglang adunay pasaporte nga balido ug hangtod unom ka buwan sa oras sa ilang pag-abot sa nasod ug balidong tickets alang sa ilang pagbalik sa lugar diin sila naggikan o mosunod nga destinasyon, nga dili molapas sa 30 ka adlaw gikan sa “date of arrival.”
