Sinulat ni Elvira Bongosia
Tinguha sa Department of Education (DepEd) nga magpadayon ang blended learning dungan sa sugyot nga magsugod ang School Year 2022–2023 sa katapusang semana sa bulan sa Agosto.
Gipasabot ni DepEd Undersecretary for Curriculum and Instruction Diosdado San Antonio nga target nilang buksan ug balik ang mga klase sa Agosto 22, 2022 ug matapos kini sa Hulyo 7 sa sunod tuig.
“Ang proposal po naming kailangang mag-double time ay kailangang magkaroon ng additional period para sa ating intervention-activities and remediation. Ito pong school calendar natin will be 215 days,” matud pa sa pahayag ni San Antonio.
Nahisgotan usab sa Undersecretary nga padayon nga ipatuman ang blended learning system, ang gisagol nga in-person ug online learning.
Gidugang pa ni San Antonio nga mas daghang adlaw ang igahin sa face-to-face classes.
Samtang namahayag si DepEd Kalihim Leonor Briones nga ang pagsulod sa 100 porsyento sa mga magtutudlo sa mga pampublikong tunghaan nga naa sa Alert Level 1 nga lugar agi ug pagsunod lamang sa guidelines sa Inter Agency Task Force (IATF).
