Sinulat ni Elvira Bongosia
Gi-awhag sa Department of Health (DOH) ang publiko nga magpabakuna batok sa nagkalain-laing matang sa sakit sa umaabot nga World Immunization Week, nga magsugod sa Abril 24 hangtod Abril 30, 2022.
Partikular nga gi-awhag ni DOH Kalihim Francisco Duque III nga mgpabakuna ang mga bata, buntis ug mga tigulang.
Karong tuiga, ang tema sa usa ka semanang selebrasyon sa World Immunization Week mao ang alang sa taas nga kinabuhi alang sa tanan.
Gitumbok ni Duque nga pinaagi sa pagpabakuna magbaton ug kahigayonan ang matag usa nga magbaton ug dili lamang taas apan himsog usab nga kinabuhi.
Dungan niini, gitumbok usab sa kalihim nga ang mga bakuna luwas ug epektibo, naghatag ug proteksyon sa matag usa ug libre lamang kining makuha gikan sa mga health centers.
