Sinulat ni Elvira Bongosia
Samtang nagkakusog ang nasyonal ug lokal nga kampanya sa Central Visayas, ang Department of Social Welfare and Development (DSWD) Field Office VII nipahinumdom sa mga kandidato nga dili gamiton ang mga programa, proyekto, ug serbisyo sa departamento aron isulong ang ilang politikanhong agenda.
Aron mapanalipdan ang ilang mga programa ug serbisyo gikan sa bisan unsang pagpanghilabot sa politika, ang DSWD nipagawas sa Memorandum Circular (MC) No. 9 o ang “Policy Guidelines on Strengthening Partnership with Stakeholders During Election and Non-Election Periods.”
Ang maong palisiya naghatag ug mekanismo sa reklamo sa departamento sa pagtubag sa mga taho sa mga politiko nga nigamit o nitaho sa bisan unsang programa sa DSWD sa ilang mga pakigpulong sa kampanya o mga stratehiya.
Apil sa mga mahimong itaho sa publiko ang pagbutang o pangalan sa mga politiko sa mga relief items; repacking sa mga relief goods ug pangapud-apod sama sa ilang kaugalingong suplay; ug/o pag-angkon sa bisan unsang mga butang sa DSWD o programa gihatag tungod sa ilang impluwensya.
Gawas niini, nakalatid sa MC nga ang mga aktibidad sa DSWD dili gamiton sa bisan unsang paagi nga makaimpluwensya sa boto sa usa ka tawo. Atol sa pagpahigayon sa mga kalihokan, ang mosunod, ug uban pa dili itugot sama sa: pag-display sa mga election paraphernalia sama sa tarpaulins, banners, posters, stickers, ug T-shirts; prominente nga nagpakita sa mga pangalan, hulagway, o logo sa mga kandidato o partido sa mga materyales sa aktibidad sama sa programs ug handouts; pangapud-apod sa mga materyales sa eleksyon sama sa mga flyers, leaflets, ug sample ballots; pagpatukar sa mga campaign jingles ug uban pang election-related audio o video materials; ug pagpangampanyang political sa bisan kinsang kandidato sa politika, political party, ug/o ilang mga supporters. Samtang ang mga kalihokan nga nag-apil sa pagtigom sa mga benepisyaryo gitugot sama sa mga meetings kauban ang mga volunteers o parent leaders kun gikinahanglan basta wala gihuptan alang sa bisan kinsang politiko.
Ang opisyal ug kawani sa DSWD nga personal nga nakasaksi ug/o nakasinati ug bisan unsang insidente nga naglambigit sa pagpahigayon sa gidili nga mga kalihokan kinahanglan nga mosumite ug komprehensibo nga report sa insidente.
Ang report kinahanglang suportahan ug opisyal nga komunikasyon lakip apan dili limitado sa mga hulagway, opisyal nga mga dokumento, ug mga gipanumpaan nga mga pahayag sa empleyado ug ilang saksi apil sa barangay o police blotter, bisan kanus-a magamit.
Gawas sa pag-isyu sa MC, ang DSWD nisulod pud sa usa ka Tripartite Agreement kauban sa Department of the Interior and Local Government (DILG) ug sa Commission on Elections (Comelec) alang sa reimplementation sa 2013 Memorandum of Agreement ug Joint Memorandum Circular nga nagtinguha sa pagpanalipod sa mga programa ug serbisyo sa DSWD gikan sa pagpanghilabot sa politika ug political partisan activities.
Ang DSWD kausa uban sa nasod sa pagkab-ot sa tumong sa patas ug matinud-anon nga eleksyon.
