Sinulat ni Elvira Bongosia
Giklaro sa Commission on Elections (Comelec) nga dili na kinahanglang magdala ug Coronavirus disease (Covid) vaccination card ug negative result sa real time-polymerase chain reaction (RT-PCR) o antigen test ang mga mobotar sa Mayo 9, 2022 nga piniliay.
Matud pa ni Comelec Commissioner George Garcia sa usa ka radio interview, ang kinahanglan lang nga dalhon sa mga botante mao ang face mask ug isulob kini sa pag-adto sa ilang presinto aron mobotar.
Gidugang pa ni Garcia nga mas maayo nga dili magpundo o motambay ang mga botante sa presinto human sa pagbotar ug gihangyo nga mouli na lang tungod na usab sa hulga sa Covid sa nasod.
“Wag ninyo pong i-underestimate ‘yung protocol ng Comelec. Siyempre po maghihigpit ngayon ang Comelec at baka after ninyong bumoto ay kayo ay palalabasin na para kayo’y makauwi na. Hindi na kayo puwedeng magpatambay tambay sa loob at magkwentuhan kung sino ang pinagboboboto ninyo at hindi ninyo binoto,” matud pa ni Garcia.
