Sinulat ni Elvira Bongosia
Gi-awhag ni Commission on Elections (Comelec) Commissioner George Garcia ang mga botante nga magdala ug listahan sa mga ibotar nga kandidato sa eleksyon sa Mayo 9, 2022.
Matud pa ni Garcia nga angay mahuman na ang mga balota ug wala pa’y lima ka minuto aron malikayan ang gipaabot nga taas nga pila sa mga polling precinct. Aron masunod ang physical distancing tungod sa pandemya, gimando sa Comelec sa mga election inspectors o public school teachers nga magbantay sa polling precincts nga kuhaan ang gidaghanon sa mga pasudlong botante sa mga lawak.
Kong kaniadto gitugot ang 10 o 15 ka botante sulod sa mga polling precincts, karon himuon na lamang katunga matud pa ni Garcia.
“It will take five to seven minutes if you still have to think over your choices while voting. But if you bring a kodigo, it will take only three minutes,” dugang pa niini.
Gi-uswag sa Comelec ang oras sa pagbotar gikan alas-6 sa buntag hangtod alas-7 sa gabii.
