Sinulat ni Elvira Bongosia
Nipasidaan ang Department of Social Welfare and Development (DSWD) sa publiko batok sa mga nagpakaaron-ingnon nga mga kawani sa ahensya nga nag-recruit ug mga bag-ong benepisyaryo sa Pantawid Pamilyang Pilipino Program (4Ps).
Matud pa sa tigpamaba sa DSWD nga si Irene Dumlao, modus sa maong mga tawo nga manguha ug sensitibong impormasyon sa mga tawo nga makumbinsir nilang mahimong miyembro sa 4Ps.
Apil sa mga pangayuon nila ang birth certificate ug cash card information sa mga kasamtangang benepisyaryo.
Pahinumdom pa ni Dumlao, bugtong ang National Household Targeting System for Poverty Reduction lamang ang adunay tahas sa pagtumbok sa mga kwalipikado alang sa programa.
Matud pa nga dili sila basta nalang mokuha ug mga impormasyon tungod kay gipaubos sa makuti nga proseso ang mga benepisyaryo.
“Magpapalabas tayo or magka-conduct tayo ng community assembly. Sa community assembly na ‘yan, ipatatawag ‘yung mga potential or eligible beneficiaries. Doon magkakaroon ng verification, interview at there will be certain documentation that will be required para sa enrollment. So ganyan ang proseso ng ating pag-enroll sa programa,” pasabot pa ni Dumlao.
