Sinulat ni Dave S. Albarado
Usa ka piniriso sa Bohol District Jail (BDJ) ang napalgang patay sa usa ka jail guard niadtong adlaw nga Mayo 11, 2022, sumala sa mga taho.
Matud pa ni Jail Officer 2 Lovelyn Dinoy 31, nga iyang getaho nga napalgang patay ang piniriso nga nailhan nga si Elmer Cahagas, 35, nga lumad nga taga San Vicente, Dulag, Leyte.
Si Cahagas nagatubang ug kasong murder nga anaa gidungog sa Regional Trial Court branch 50 didto sa Loay, Bohol.
Matud sa taho, ang piniriso kay nakaplagang wala na milihok ug dali dali nga gidala sa Gov. Celestino Gallares Memorial Hospital (GCGMH.
Gideklara sa mga duktor sa maong tambalanan nga ang piniriso kay dead on arrival. Sa takna sa pagsulwat ning balita, padayon pa nga gisusi ang hinungdan sa kamatayon sa maong piniriso, matud sa taho.
