Sinulat ni Dave Albarado
Walay bisan usa sa linya sa Abante Tagbilaran ang milusot sa miaging piniliay diin kasagaran sa mga mananaog kay anaa sa Team Asenso Pa More.
Nunot niini, nagpatawag ug press conference ang lider sa maong grupo nga si kanhi mayor Dan Neri Lim ug mga kauban niadtong Mayo 10, 2022.
Sa ilang press conference, mipadayag ug pasalamat sa mga katawhan sa dakbayan sa Tagbilaran nga ang eleksyon walay natala nga grabeng kasamok.
Subay niini, ang grupo sa Abante Tagbilaran nakapangutana hain man ang ilang boto ug dako kaayo ang mga pangutana mga nagpabilin nga walay tubag.
“Ang among concern karon is asa man ang boto?” pangutana ni Lim.
Nakapangutana si Lim hain ang mga boto ilabi na alang sa usa ka nagpapili ug pagkakonsehal nga si barangay Poblacion 1 kapitana Arlene Karaan ug si Meric Taran Blanco.
Wala na hinoon nangutana si Lim kon hain padulung ang mg boto alang kaniya. Migawas nga ikaduha si Lim sa mga midagan sa pagkamayor diin migawas nga mananaog mao si Jane Yap, mao ang asawa sa kasamtangang mayor sa Tagbilaran nga si mayor John Geesnell Yap II.
