By Fr. Jose “Joesum” Sumampong, Jr.

ANG SAYSAY SA KAAGI

SA SANTOS KARONG ADLAWA

Mayo 29,  2022

Saint Madeleine Sophie Barat

 Saint Madeleine Sophie Barat | flickr

Saint of the Day for May 29

(December 12, 1779 – May 25, 1865)

Saint Madeleine Sophie Barat’s Story

Ang kabilin ni Madeleine Sophie Barat Makita nato sa labaw sa 100 ka mga tulunghaan nga gidala sa iyang  Society of the Sacred Heart, mga institusyon nga naila sa kalidad sa edukasyon alang sa kabatan-onan. 

Si Sophie mismo nakadawat sa lunsay nga edukasyon, salamat sa iyang igsuon nga si  Louis, magulang kaniya sa gilay-on nga 11 ka tuig  ug iyang maninoy sa iyang bunyag. Usa ka seminarista, si Louis mihukom nga ang iyang manghod nga igsuon kinahangkang nga mahibalo sa Latin, Greek, history, physics ug mathematics—nga walay mga babag ug nga wala magkinahanglan og mga kauban. Sa nag edad siya og 15, si Sophie nakabaton og lapad nga kahibalo sa Bibliya, mga gitudlo sa mga Amahan sa Simbahan ug teolohiya. Bisan pa sa malisod ug estrikto nga mga tamdanan nga gimugna ni Louis ngadto sa batan-on nga si  Sophie, siya nakabaton og tiunay nga gugma sa pagtuon. 

Sa laing bahin, kini ang panahon sa  French Revolution ug ang pagpawagtang sa mga  Christian schools. The edukasyon sa mga batan-on, labi na sa kababayenhan, anaa sa dili maayong kahimtang. Si Sophie, nga naghunahuna nga magmadre, naagni nga mahimong magtutudlo. Nagtukod siya sa  Society of the Sacred Heart, nga nagtutok isip tulunghaan alang sa mga kabos ug usab mga balay abotanan sa mga batan-ong babaye nga anak sa mga arangan. Karon, adunay mga Sacred Heart schools nga modawat na sa mga lalaki ug mga babaye.

Niadtong 1826, ang Society of the Sacred Heart gihatagan og pormal nga pag-uyon sa papa. Siya nahimong  superior  sa pipila ka mga konbento. Niadtong  1865, siya nasakit sa  paralysis; ug namatay sa adlaw sa pyesta sa Pagsaka sa Langit o  Ascension.

Si Madeleine Sophie Barat giisa sa altar sa mga Santos niadtong 1925.

PAMALANDONG

Si Madeleine Sophie Barat nagpuyo sa gubot nga panahon. Siya 10 pa ang iyang edad niadtong Reign of Terror nagsugod. Sa paglihok sa  French Revolution, ang mga dato ug mga kabos pulos nanggilaid sa kasakitan ug kalisod  una pa mabanhaw ang normal nga kinabuhi sa nasud sa  France. Natawo uban sa hataas nga kahimtang ug prihibiliyo, nadawat niya ang lig-on nga edukasyon. Gikasubo niya nga kini wala ikatugyan ngadto sa mga kabos nga babaye, ug kini ang nakatukmod niya sa pagtudlo kanila. Maadunahan o anaa sa kawad-on, gihatagan silag igong pag-atiman. Kumusta man usab ang mga gasa nga atong nadawat, gipaambit pa kini nato sa uban aron mahimugso usab diha kanila ang mga bililhong gasa nga ilang ikalipay – isip timaan sa walay hunong nga grasya sa manggihatagong Dios.

-===-

IAMPO TA ANG ATONG MGA PAMUNU-AN SA ILANG PAGSUGOD SA TAHAS SA PAGDUMALA SA ATONG PANGAGAMHANAN NGA SILA SA TANANG HIGAYON GABAYAN SA ATONG DIOS!