Ni Padre Jose “joesum” Sumampong, Jr.
ANG SAYSAY SA KAAGI
SA SANTOS KARONG ADLAWA
HUNYO 12, 2022
Saint Jolenta of Poland | photo by Karol Ferdynand Ney
Blessed Jolenta
(Yolanda) of Poland
Saint of the Day for June 12
(c. 1235 – June 11,1298)
Blessed Jolenta of Poland’s Story
Si Jolenta anak ni Bela IV, King of Hungary. Ang iyang igsuong babaye, St. Kunigunde, naminyo sa Duke of Poland. Si Jolenta gipaadto didto sa Poland diin nanimuyo ang iyang igsuon aron sa paggabay sa iyang edukasyon. Si Jolenta naminyo kang Boleslaus, ang Duke sa Greater Poland, siya miggamit sa iyang katigayonan alang sa pagtabang sa mga kabos, mga masakiton, mga byuda, ug mga ilo. Ang iyang bana mitabang kaniya pagmugna og mga tambalanan, mga konbento, ug mga simbahan. Mao nga ang iyang bana gitawag og “the Pious.”
Sa dihang namatay ang iyang bana ug pagkaminyo sa iyang duha ka mga anak nga babaye, si Jolenta ug ang iyang ikatulong anak nga babaye misulod sa konbento sa Poor Clares. napugos siya pagbalhin ngadto sa laing konbento, bisan kon siya sa unahan nagmakuli. Apan gumikan sa gubat, napugos gayod siya. Si Jolenta nahimong abbess.
Maayo kaayo ang pagdumala ni Jolenta ngadto sa mga Franciscan sisters sa pulong ug panag-ingnan. Ang iyang pagka-inila ug mga dalaygon nga buhat nagpadayon pagkaylap luyo sa mga paril sa konbento. Ang iyang paboritong debosyon mao ang Passion of Christ. Ginaingon nga si Jesus mipakita kaniya ug mitaho kaniya sa iyang umaabot nga kamatayon. Daghang mga milagro nahitabo sa iyang lubnganan.
PAMALANDONG
Ang saysay sa kinabuhi ni Jolenta gisugdan morag istorya kabahin sa tinumotumong saysay sa gingharian / fairy tale. Apan talagsaon nga ang fairy tales magsaysay kabahin sa kamatayon sa hari nga namatay ug unya ang byudang reyna mogugol sa iyang kinabuhi didto sa konbento sa mga madre. Gipaabot nga motapos kini sa kalipay. Ang kinabuhi ni Jolenta mitapos sa “happily ever after.” Ang iyang makugihon nga pagpangalagad ngadto sa mga sakop nga kamadrehan, sa mga kabos, sa mga masakiton, sa mga byuda, sa mga ilo maoy nakahatag kaniya tiunayng kalipay.
Mubo lang ang atong kinabuhi, apan adunay daw mga higayon nga anaay elemento sa fairy tale, apan, kamatuoran usab, nga ang atong pagkamanggihatagon ug ang atong pagka-andam sa pagpangalagad sa uban makaagak nato sa tumang kabuhong sa kahimayaan nga dili nato katuohan nga atong makaplagan ug labaw sa tanan makaagak kanato ngadto sa Dios nga maoy nakatukmod nato pinaagi sa iyang gitugyang grasya nga mipalihok sa atong maayo gawi nga gipakita piaagi sa atong maayong binuhatan.
-===-
NIINING ADLAW SA PAGHANDUM SA KASUMARAN SA ATONG NASUDNONG KASGAWASAN, IAMPO NATO NGA MATUOD ATONG MASINATI ANG PAGKA–
GAWASNON SA ATONG NASUD.
MABUHI ANG PILIPINAS!