ni Padre Jose “joesum” Sumampong, Jr. 

ANG SAYSAY SA KAAGI

SA SANTOS KARONG ADLAWA

HUNYO  19,  2022

Fresco of Saint Romuald | In the Dominican Cloister of Saint Mark, Florence, Italy | Fra Angelico

Saint Romuald

Saint of the Day for June 19

(c. 950 – June 19, 1027)

Saint Romuald’s Story

Taliwala sa giusikan nga pagka-batan-on, si  Romuald nakasaksi sa iyang amahan nga mipatay og usa ka ig-agaw nga nakigpatay / duel tungod sa panag-ilog sa kabtangan. Sa kahadlok, siya milayas ngadto sa monateryo haduol sa Ravenna. Tapos sa tulo ka tuig, may pipila sa mga monghe nakaplag niya nga walay pagbaton og kabalaan. Mao nga siya gipapahawa. 

Si Romuald naggugol sa sunod nga 39 ka mga tuig nga pagbagdoybagdoy latas sa  Italy,  nangita og mga monasteryo  ug mga hermitanyo nga iyang kapuy-an. Nangandoy siya nga makahatag sa iyang kinabuhi ngadto kang Kristo isip usa ka martir. Nakadawat siyag og pagtugot gikan sa santo papa pagwali sa ebanghelyo didto sa Hungary. Apan gitakboyan siyag sakit sa panglawas sa iyang pag-abot.  Kini nagbalikbalik sa dihang iya na utang buhaton ang iyang tahas. 

Sa laing yugto sa iyang kinabuhi, si Romuald mibati og dakong pagka-walay gana sa iyang espirituhanong panglimbasog. Usa ka adlaw nga-ampo siya sa  Psalm 31 (“I will give you understanding and I will instruct you”), iyang nadawat ang usa ka linain nga kahayag ug ang espirito nga wala mobiya gikan kaniya.  

Didto sa sunod nga monasteryo nga iyang gipuy-an, si Romuald gipasumangilan og eskandalo nga krimin sa usa ka adunahang tawo nga iyang gibuyag tungod sa salawayong matang sa kinabuhi. Katingalahan nga ang maong pasangil gituohan sa iyang mga kaubang monghe, gisilotan siya, gidid-an pag-apil sa Misa ug giisip nga dili na sakop sa tinuhoan / excommunicated—usa ka dili makaturonganong silot nga sa tumang kahilom iyang nga gidawat sulod sa unom ka mga bulan.

Ang labing inila nga monasteryo nga gimugna ni Romuald mao ang atua didto sa Tuscany nga mao ang Camaldoli in Tuscany. Dinhi natukod ang  Order of the Camaldolese Benedictines, nga mitipo sa panggibuhaton sa monasteryo ug hermitanyo. Sa kadugayan, ang amahan ni Romuald nahimong monghe gumikan sa pagdasig ni Romuald.

PAMALANDONG

Si Kristo usa ka malumong lider / gentle leader, apan may malungtarong tawag alang kanato ngadto sa hingpit nga balaang pagpakabuhi / total holiness. Kini mao ang kanunayng sugyot gikan sa daghanang mga Balaan o Santos. Mao kini ang panaad kanatong mga Katoliko panahon sa atong bunyag. Angayan ta nga ipasanag ang kahayag sa atong pagka Kristyano. Buntugon nato ang kangitngit nga gihuptan sa yawa. Ang tawag sa Dios sa matag usa kanato mao ang paghimo niini sa ngalan ni Jesus. Magbalaan kita sa hunahuna, pulong ug buhat. Kon gibuhat pa kini sa tanan, nan unsa kaha kaanindot sa kalibutan nga atong gipuy-an? Paningkamutan kini nato aron matukod ang Gingharian sa Dios dinhi sa kalibutan sa bisan unsang kahimtang nga atong nahimutangan. Agad pa unta.

-===-

NIINING PIPILA NA LANG KA MGA ADLAW NGA UMAACOT, MAGSUGOD NA ANG MGA BULUHATON SA ATONG GI[ILI NGA MGA OPISYALES  SA ATONG NASUD, MGA LALAWIGAN, MGA DSAKBAYAN, UG MGA LUNGSOG. SA TANANG PANAHON, IAMPO NATO SILA NGA B ULIGAN SILA SA DIOS SA ILANG MGA PANINGKAMOT, UG UYONAN SA KATAWHAN SILA SA ILANG MGA KATUYO-AN, HATAGAN SILA SA MGA MAHAIT NGA PANGISIP, MAHIGUGMAONG PAGBATI. UG HIMSOG NGA PANGLAWAS….

MABUHIANG PILIPINAS!