Sinulat ni Elvira Bongosia
Gilagdaan ni Presidente Rodrigo Roa Duterte ang usa ka Executive Order (EO) nga magmugna ug mga bag-ong posisyon alang sa mga magtutudlo sa eskwelahan, usa ka lakang nga gikalipay ug daku sa Department of Education (DepEd).
Tumong sa EO No. 174 nga magmugna ug bag-ong position titles alang sa mga Teacher IV, Teacher V, Teacher VI, Teacher VII ug master teacher ug apil na usab ang umento sa sweldo sa mga magtutudlo.
Hingosgan niini ang professional development career ug advancement sa mga magtutudlo sa mga pampublikong tunghaan.
Ang DepEd makig-alayon sa Civil Service Commission (CSC), Department of Budget and Management (DBM) ug sa Professional Regulation Commission (PRC) alang sa paghimo ug mga sumbanan niining EO.
Ipatuman ang maong kamanduan human mapatik sa official gazette ug mga pamantalaan.
