Sinulat ni Elvira Bongosia
Gilagdaan ning bag-o lang sa Philippine Postal Corporation (PHLPost) ug Bureau of Customs (BOC) ang usa ka memorandum of agreement aron mahatagan ang mga kliyente ug mas maayo, luwas, wala’y problema ug masaligang online payment system sa customs duties ug buhis.
Ang online payment system pinaagi sa PHLPost website nga www.phlpost.gov.ph nagtinguha sa pagpapas sa pagpanglimbong isip pagsunod sa Republic Act 11032, nga giila usab isip Ease of Doing Business ug Efficient Government Service Delivery Act.
Ang kasabotan himuong mas paspas ug mas yano ang proseso sa paglimpyo ug paghatod sa mga parcel ug uban pang hisgotanan sa koreo, nga mapahimoslan sa liboang mga mamamalit nga nagsalig sa serbisyong koreo aron magpadala ug modawat ug mga pakete gikan sa ubang nasod, ug hingosgan ang industriya sa e-commerce.
Ang duha ka ahensya angay magbaton ug access sa mga sistema lamang nga adunay kalabotan sa hingtundang input sa mga singil sa mga bayronon ug buhis sa BOC ug alang sa beripikasyon sa pagbayad.
Ang usa ka buwag nga han-ay sa mga Implementing Rules and Regulations angay nga igawas kalabot sa pangolekta sa mga bayronon, buhis, ug uban pang mga singil nga mahimong parte sa kasabotan.
Matud pa ni Postmaster General Norman Fulgencio nga mahinongdanong masabtan sa publiko nga ang tanang mail ug parcel mahimong ipaubos sa pagsusi sa customs, mga bayronon, buhis ug uban pang mga bayronon.
Gipailaila sa PHLPost ang pagbayad ug customs duties ug buhis pinaagi sa website ug mobile application niini niadtong Mayo 19, 2022 nga gitambongan mismo ni kanhi Presidente Rodrigo Roa Duterte.
Gipasabot ni Fulfencio nga kining Duterte Legacy nagpakita ug saad ug suporta sa Post Office ubos sa bag-ong administrasyon ni Pangulong Ferdinand Marcos Jr. sa pag-alagad sa publiko nga tinuoray nga serbisyo sa standard sa kalibotan.
