Sinulat ni Elvira Bongosia
Gi-awhag ni Philippine Information Agency Central Visayas Regional Director Fayette Riñen
ang mga public information officers sa national government agencies ug local government units sa Bohol nga mahimong responsable ug aktibo sa pagpakatap ug impormasyon
nga importante kaayo.
“It is high time we do our share and swamp the digital spaces with relevant information.
Let’s be proactive in disseminating information that really matters, which is information for change and development (Panahon na nga buhaton nato ang atong bahin ug bahaan ang ‘digital spaces’ ug mga mahinungdanong impormasyon. Mahimong aktibo kita sa pagpakatap sa impormasyon nga importante kaayo, kanang impormasyon nga alang sa kabag-ohan ug kalamboan),” matud pa ni Riñen.
Mihangyo ug suporta ang PIA-7 RD sa mga PIOs atol sa Association of United Development
Information Officers (AUDIO) General Assembly niadtong Hulyo 20, 2022 nga gipahigayon sa Bohol Public School Teachers and Employees Association (BPSTEA) Function Hall sa
siyudad sa Tagbilaran.
Katambayayong na sa PIA ang AUDIO-Bohol kaniadto pa sa pagsunod sa mandato niini sa
paghatod ug tukma sa panahon, may kalabotan ug mahinungdanong impormasyon kalabot sa mga programa, proyekto ug mga serbisyo sa gobyerno.
Gitumbok ni Riñen ang kritikal nga papel sa mga PIOs sa pagpakatap sa mga impormasyon
paubos ngadto sa ‘grassroots level.’
Gi-presentar usab sa PIA-7 chief ngadto sa mga PIOs ang “Maayong Balita sa Central Visayas,”
usa ka senemanang online program nga gimugna sa PIA-7 nga makita ug madungog matag adlaw’ng Sabado diin kabahin sa mga maayong balita gikan sa 4 ka probinsya sa rehiyon ang hisgotan.
Ang PIA-7 personnel, kauban sa PIA-Bohol infocen staff ug mga miyembro sa AUDIO-Bohol nipahigayon sa ilang courtesy visit ngadto kang Bohol Governor Erico Aristotle Aumentado niadtong Hulyo 20; 2022 sa buntag.
Si Aumentado mipasalig kang Riñen sa iyang “full support” sa information dissemination
initiatives sa PIA.
