Sinulat ni Rey Anthony Chiu
Gitugyan sa Philippine Carabao Center (PCC) ngadto sa us aka kooperatiba nga aktibong
nagduso sa panggatasan sa kabaw dinhi sa Bohol, ang tabang sa kagamhanan sa pundok, alang sa us aka milk processing building.
Gisaksihan ni Gobernador Erico Aristotle Aumentado, Department of Agriculture Regional
Executive Director Joel Elumba, Balilihan mayor Ma Pureza Chatto ug sa mga sakop sa Provincial Veterinarians Office ang seremonyal nga pagtugyan sa P5 milyones nga building alang sa Bohol Dairy Cooperative (BODACO).
Atul sa ila unom nga Bohol Milk Festival, nga didto himoa sa barangay Bood, Ubay, gipasabut
ni PCC Deputy Executive Director Dr. Caro Salcez nga ang panggatasan sa kabaw, maoy usa sa mga bahin sa una niyang pagpabukas sa Ubay Agri Park, nga gisugdan sayo sa 2010.
Si Dr. Salces, kina maoy kanhi Center Chief sa Philippine Carabao Center sa Ubay Stock
Farm, nakakuha sa usa ka maayo sa kaugmaon sa paggatas sa mga kabaw, ilabi na kong kini gikan sa gatasan nga taas ang klase sama sa cross breed o mas maayo ang hige breed.
Kong ang native o bisaya nga gatasan, mohatag sa tag duha ngadto sa tulo ka litro nga gatas
ang makuha.
ang crossbreeds ug high breeds nga kabaw nga gatasan, kaya i-produce ang 10 ngadto sa
15 ka litros nga gatas.
Gipasalig usab sa PCC nga sila ang mopalit sa mga gatas nga makuha sa mga mag-uuma nga
mosagop sa panggatasan, aron dili na maproblema sa pagproseso ug pagpasteurize niini.