Sinulat ni Elvira Bongosia
Gipanghimakak sa Malakanyang ang mikatap nga Facebook post nga gideklarar isip special non-working holiday ang Agosto 9, 2022.
Matud pa ni Press Secretary Beatrix “Trixie” Cruz-Angeles, walay kamatuoran ang Facebook post ug uban pang social media platform nga nagtaho nga special non-working holiday ang Agosto 9, 2022 nga adlaw sa lubong ni kanhi Pangulong Fidel V. Ramos.
“Hindi po ito totoo at walang inilalabas na anunsyo o proklamasyon tungkol dito,” pahayag pa ni Angeles.
Gi-awhag sa Malakanyang ang publiko nga susihon gayud ug maayo ang mga mabasa ug makita sa social media.
Kahinumdoman nga gihatagan og state funeral sa Malakanyang si kanhi Presidente Ramos.
Gawas sa state funeral, hatagan usab si Ramos og full military honors nga matud pa sa Malakanyang angayan hatagan isip si FVR pag-ila ug pagtimbaya sa kanhi pangulo sa nasud.
Namatay si kanhi Presidente Ramos sa edad nga 94 niadtong Hulyo 31, 2022.
