BY Jose “joesum” Sumampong, Jr.
ANG SAYSAY SA KAAGI SA SANTOS KARONG ADLAWA
Stained glass in Our Lady of Czestochowa Grotto (Sorrowful Mother Shrine) | photo by Nheyob
Saint Maximilian Mary Kolbe
Saint of the Day for August 14
(January 8, 1894 – August 14, 1941)
Saint Maximilian Mary Kolbe’s Story
“Wala akoy kasayoran kon unsay mahitabo kanimo!” Pila ka mga ginikananan ang mingon niana? Matud sa saysay, ang reaksyon ni Maximilian Mary Kolbe’ mao kini, (cf.Franciscan Media,A Saint A Day Calendar for August14) “I prayed very hard to Our Lady to tell me what would happen to me. She appeared, holding in her hands two crowns, one white, one red. She asked if I would like to have them—one was for purity, the other for martyrdom. I said, ‘I choose both.’ She smiled and disappeared.” After that he was not the same.
Si Maximilian misulod sa minor seminary didto sa Conventual Franciscans sa Lvív–kaniadto Poland, karon Ukraine– haduol sa iyang yutang natawhan, ug sa edad nga 16 nahimo siyang usa ka novice. Bisan tuod nadawat ni Maximilian ang doctorates in philosophy and theology, siya lawom nga nadani sa science, bisan gani nagmugnag plano alang sa kahimoan sa mga rocket ships.
Naordenahan sa pangidaron nga 24, si Maximilian nakapaniid nga ang walay-pagpakabana sa relihiyon / religious indifference mao ang giisip nga labing makapatay nga hilo sa iyang panahon. Ang iyang misyon mao ang pakigbisog niini. Iya nang natukod ang Militia of the Immaculata, kansang katuyo-an mao ang pakigbugno sa dautan uban sa pagsaksi sa maayong kinabuhi, pag-ampo, pagbuhat ug pag-antos. Nagdamgo siya ug iyang natukod ang Knight of the Immaculata, usa ka religious magazine ubos sa panalipod ni Mary alang sa pagwali sa Maayong Balita ngadto sa tanang kanasuran. Alang sa panggibuhaton sa publikasyon, namugna niya ang usa ka “City of the Immaculata”—Niepokalanow—diin nanimuyo ang 700 sa iyang mga igsuong Franciscano. Unya nagatukod siya og Militia didto sa Nagasaki, Japan. Ang Militia ug ang magazine nakaabot ngadto sa usa ka libo ka mga miembro ug mga subscribers. Ang iyang paghigugma sa Dios sa matag adlaw iyang gipaagi ngadto kang Mary.
Niadtong1939, ang mga kasundaloan nga Nazi makusganon nga mibuntog sa Poland. Ang Niepokalanow gibombahan. Si Kolbe ug ang mga prayles gipangdakop ug gihimo nga gawasnon sa wala pa moabot ang gidugayon nga tulo ka mga bulan, atol sa kapyestahan sa Immaculada Concepcion.
Sa 1941, si Fr. Kolbe gidakop sa lain nga higayon. Ang katuyo-an sa mga Nazis mao ang pagpamatay niadtong mga pinili, ang mga lider. Ang katapusan Dali ra kaayong miabot, tulo ka mga bulan ang milabay didto sa Auschwitz, human sa mabangis nga paghampak ug mga pagpakaulaw.
Tungod kay may usa sa mga binilanggo nga mieskapo, mimando ang komander nga adunay 10 ka mga binilanggo nga ipapatay. Ug kini siya milakaw aron sa pagpili kanila. “Kini siya, kana siya.”
Gipamarcha sila ngadto sa dapit sa kagutom / starvation bunkers, Ang numero 16670 nangahas sa pag-ingon,
“Buot ako nga moalili sa dapit nianang tawhana. Aduna siyay asawa ug mga anak.”
“Kinsa man ka?”
“Usa ka pari .”
Mibanos ang tumang kahilom. Ang komander natingla. Iyang gisipaan si Sergeant Francis Gajowniczek aron nga mogawas gikan sa linya ug mimando kang Fr. Kolbe nga moapil sa siyam nga naglinya aron kahamtangan sa kamatayon. Dinhi sila gihubo-an sa ilang mga sinina ug ang ilang hinayhinay nga pagsinati sa kagutom nagsugod sa kangitngit. Apan walay mitiyabaw, hinoon sila nanag-awit. Sa bisperas sa pyesta sa Pagpasaka sa Langit, may upat nga nagpabiling buhi. Ang nagpabilanggo kanila, miduol kang Kolbe kinsa nianang higayona didto sa usa ka kilid nga dapit nag-ampo. Giisa niya ang usa sa iyang bukton ug gitusokan sa dagom nga may ikamatay nga asido. Gisunog kanila ang iyang lawas sama sa uban. Ang beatipikasyon ni Fr. Kolbe gisaulog sa tuig 1971 ug kanonisasyon 1982.
PAMALANDONG
Aniay tataw nga pamalandong kabahin sa kinabuhi ug kamatayon ni Saint Maximilian Mary Kolbe: (cf.Franciscan Media,A Saint A Day Calendar for August14) Father Kolbe’s death was not a sudden, last-minute act of heroism. His whole life had been a preparation. His holiness was a limitless, passionate desire to convert the whole world to God. And his beloved Immaculata was his inspiration.
Si Saint Maximilian Mary Kolbe mao ang Santos nga Patron sa mga:
Addicts
Drug addiction
SUGYOT NGA PAHIDUNGDAN SA PAG-AMPO:
Mga pag-AMPO alang sa mga katawhan sa LUNGSOD UG PAROKYA SA DAUIS SA ILANG KAPYESTAHAN KARONG AGUSTO 14 -15(PAGPASAKA NGADTO SA LANGIT KANG STA. MARIA); ug sa PAROKYA UG DISTRITO SA TIPTIP. TAGBILARAN CITY SA ILANG KAPYESTAHAN KARONG AGUSTO 15 -16 (SAN ROQUE).