Sinulat ni Elvira Bongosia
Gi-awhag ni Presidente Ferdinand Marcos Jr. ang mga Pinoy nga mag-andam alang sa pagpadayon sa face-to-face classes sa katapusan sa buwan sa Agosto.
Sa iyang senemanang vlog, miingon ang Pangulo nga angay adunay igong proteksyon ang publiko batok sa COVID-19 sa dili pa ang gipaabot nga pagdagsa sa mga estudyante sa mga eskwelahan.
“Una riyan yung panigurong nakapag booster shot na ang lahat lalong lalo na ang ating mga kabataan para siguradong handa ang pangangatawan nila sa pagbabalik eskuwela,” matud pa ni Marcos.
Matud pa sa Pangulo nga dili kini ingon ka simple, apan kun husto ang pagpangandam, sigurado nga malampuson kini.
Gidugang pa niini nga daghang tawo ang makapahimos sa pagbalik sa physical classes human ang 2 ka tuig sa virtual learning.
Gawas pa niini, gitumbok usab sa Pangulo nga daghan usab mga ginikanan ang mas magbaton ug oras makapanginabuhi kun naa na sa eskwelahan ang ilang mga anak mao nga madugangan ang atong workforce ug mas daghan usab silang mahimong option sa pagpili sa trabaho tungod kay dili na sila limitado sa online.
“Kapag ito ay naging matagumpay, hindi lang ito balik eskuwela, kung di balik negosyo? Balik hanapbuhay at balik kaunlaran,”pahayag pa ni Marcos.
Gipahinumdoman usab niini ang pampublikong transportasyon nga seguradohon nga mapatuman ang minimum health ug safety protocols sa ilang nagkadaiyang sakyanan.
Gitapos ni Presidente Marcos ang iyang vlog sa paghatag ug pahinumdom sa publiko kalabot sa pagsaulog sa Buwan ng Wika o National Language Month.
