Sinulat ni Rey Anthony Chiu
Bisan pa kong gipasalig sa kagamhanan nga dili na mopila aron makakuha sa Educational Assistance, mipahibaw ang Department of Social Welfare and Development (DSWD) kun kinsa man ang dili prayoridad sa hinabang.
Kahinumduman nga gisugdan na sa DSWD niadtong Sabado Agosto 20, 2022, ang pagpang-apudapod sa DSWD Assistance to Individuals in Crisis Situations (AICS) didto sa mga buhatan sa DSWD.
Ang sunod nga pay out mahitabo sa sunod nga mga Sabado sa Septembre.
Sa AICS nga gihimong educational assistance, ang mga anaa sa prayoridad sa makadawat mao ang mga tinun-an nga maoy gisaligan sa pagkaon sa pamilya, anak sa mga nag-inusara nga ginikanan, anak sa Overseas Filipino Workers, Persons with Disabilities, estudyante nga nagtrabaho, anak sa biktima sa HumanImmune Virus, anak nga misinati ug pisikal nga pag-abuso, estudyante nga gibiyaan sa ginikanan, kabataan sa ginikanan nga walay klaro nga panginabuhi ug mga kabataang biktima sa katalagman.