ni Jose “joesum” Sumampong, Jr.
ANG SAYSAY SA KAAGI SA SANTOS KARONG ADLAWA
Blessed Louis and Marie Zelie Guerin Martin, the parents of St. Therese of Lisieux. (CNS photo/Sanctuary of Lisieux)
Saints Louis Martin and Zelie Guerin
Saint of the Day for September 25
(August 22, 1823 -July 29, 1894; December 23, 1831 • August 28, 1877)
Saints Louis Martin and Zelie Guerin’s Story
Natawo gikan sa banay nga sundalo didto sa Bordeaux, si Louis nsgtuon nga nahimong tig-gama og relo. Adunay siyay pangandoy nga magpasakop sa usa pungok nga relihiyoso, apan wala matuman kay dili siya kahibalo sa pinulongan nga Latin. Ning-adto
sa Normandy, iyang gikahibalag ang batid nga lace maker, Zelie Guerin, nga napakyas sa iyang paningkamot nga mahimong madre. Nahiusa sila sa kaminyoon kaniadtong tuig 1858, ug sa mga umaabot nga mga katuigan, nakabaton og siyam ka mga anak. Ang duha ka mga anak nga lalaki ug duha ka mga anak nga babaye nangamatay samtang gagmay pa sila.
Si Louis mao ang nagdumala sa lace-making business ug si Zelie nahimo nga magbalantay sa balay ug pag-alima sa ilang mga anak. Namatay siya sa breast cancer sa tuig 1877.
Si Louis milalin sa iyang banay ngadto sa Lisieux aron mahiduol da iyang mga ighsuon, nga nagtabang sa pagpatuon sa iyang mga nahabiling anak. Ang iyang kahimsog sa panglawas nagsugod pagkaluya tapos ang iyang kinamagulangang anak misulod sa Monastery of Mount Carmel didto sa Lisieux niadtong 1888. Si Louis namatay sa tuig 1894, pipila ka mga bulan tapos siya gipahimutang sulod sa usa ka sanitarium.
Ang panimalay nila ni Louis ug Zelie nakapahimutang og maanindot nga pagpatubo sa tanan nilang mga anak diha sa kahimtang nga mabalaanon, labi na sa kinamanghoran nga atong nailhan nga si Saint Therese of the Child Jesus. Sila si Louis ug si Zelie nahimong balaan sa tuig 2008, ug sila giisa ngadto sa altar sa Dios isip mga Santos ni Pope Francis niadtong Octubre 18, 2015. Ang liturhikanhong kasaulogan sa kapyestahan nila ni Saints Louis Martin and Zelie Guerin mao ang Hulyo 12.
PAMALANDONG
Sa saysay sa kinabuhi nila ni Louis ug Zelie, ilang nasinati ang tumang kalipay ug kasakit. Lig-on nga Hang gituohan nga ang Dios uban kanila sa kinatibukan nga hagit sa kinabuhing minyo, diha sa pagka-ginikanan, ug sa ilang mga tahas.