Sinulat ni Elvira Bongosia
Mipasidaan ang Government Service Insurance System (GSIS) sa publiko batok sa ‘pekeng Facebook pages, profiles, ug groups nga migamit sa pangalan sa ahensiya aron mang-scam.
“Do not disclose confidential information without confirming the message’s authenticity,” pahinumdom sa GSIS.
Matud pa sa GSIS nga may usa lamang silang Facebook account ug adunay blue verification badge nga magpamatuod sa ‘authenticity’ o pagkatinuod niini.
Giklaro sa GSIS nga dili sila mangayo sa ilang miyembro ug pensioners ug mga sensitibong impormasyon sama sa One-Time Password, Card Verification Value, Personal Identification Number, ug uban pang impormasyon nga nakasulat sa GSIS card.
Tambag pa sa ahensya, ang bisan unsang kadudahang kalihukan mahimong i-report dayon sa contact centers sa GSIS nga makita sa website ug Facebook account niini.