ni Jose “joesum” Sumampong, Jr.
ANG SAYSAY SA KAAGI
SA SANTOS KARONG ADLAWA
OKTUBRE 23, 2022
Saint John of Capistrano
Saint John Capistrano | Stained glass window in the Franciscan Monastery in Washington, DC. | photo by Lawrence OP
Saint of the Day for October 23
(June 24, 1386 – October 23, 1456)
Saint John of Capistrano’s Story
Ginaingon nga ang mga Kristohanong santos maoy may labing kaanindot sa ilang mga panglantaw sa kalibutan. Wala sila lumsi sa kangiob sa mga kamatuoran ug mga linugdangan sa dautan, nagsukad sa ilang lawom nga pagsalig sa gahum sa kaluwasan diha ni Kristo. Ang gahum sa pag-agni pinaagi kang Kristo mobukas dili lang sa mga makasasalang katawhan kondili usab mohikap sa mga dautang mga hitabo sa kinaiyahan.
Natawo niadtong ika-14 ka siglo. Tulo ka bahin sa mga lumulopyo ug hapit 40 ka porsento sa kaparian nangahanaw gumikan sa makalilisang nga peste. Ang Western Schism misiak sa Simbahan uban sa duha o tulo ka mga miangkon nga maoy pangulo sa Holy See sa managsamang higayon. Ang England ug ang France nagkagubat. Ang mga city-states sa Italy sa makanunayong anaa sa panagbangi. Mao nga daw madag-umon ang espiritu sa kultura niadtong mga panahona.
Si John Capistrano natawo niadtong tuig 1386. Ang iyang pagtuon nahuman. Ang iyang mga kahibalo ug kadaugan nakab-ot. Sa edad nga 26 nahimo siya nga governor sa Perugia. Gibanhog sulod sa bilanggoan tapos sa usa ka gubat tali sa mga Malatestas, nakahukom siya sa hingpit nga pagbag-o sa iyang kinabuhi. Sa pangidaron nga 30 misulod siya ngadto sa Franciscan novitiate ug naordenahan tapos sa upat ka mga tuig.
Ang mga pagwali ni John nakabihag og daghang katawhan sa panahon nga adunay kabugnaw ug kalibog ngadto sa mga relihiyoso. Siya ug mga 12 ka Franciscan gikalipay nga gidawat sa kanasuran sa central Europe isip mga anghel sa Dios. Nahimo silang kahimanan sa pagkalagsik sa himatyong pagtuo ug nagkahanaw nga debosyon.
Ang Franciscan Order mismo nagkaguliyang sa insaktong panabot ug pagsunod sa Rule ni St. Francis. Pinaagi sa walay kakapoy nga mga paningkamot ni John ug ang iyang kabatid sa pamalaod, ang erehes nga kasaypanan ni Fraticelli nawagtang ug ang mga “Spirituals” gitugyanan og kagawasan gikan sa ilang mas lisod nga pagsugot.
Si John of Capistrano mitabang pagkab-ot sa hamubo nga panaghiusa sa mga Simbahan tali sa mga Greek ug mga Armenian.
Sa dihang ang mga Turks nakabihag sa Constantinople niadtong 1453, si John gitahasan pagwali sa krusada alang sa pagpanalipod sa Europe. Nakaani og dyutay lamang nga pagdani didto sa Bavaria ug Austria, nakahukom siya paggugol sa iyang mga paningkamot didto sa Hungary. Nangulo siya sa kasundalo-an ngadto sa Belgrade. Ubos sa nabantog nga General John Hunyadi, sila nakabaton og igong kadaugan. Ug sa dihang ang kaguliyang / siege sa Belgrade giwagtang. Tungod sa hilabihang kakapoy sa ilang mga paningkamot, si Capistrano nahimo nga dali nga matakdan sa sakit tapos sa gubat. Namatay siya niadtong Oktubre 23, 1456.
PAMALANDONG
Si John Hofer, ang biographer ni John Capistrano, mipahinumdum kabahin sa pundok didto sa Brussel nga ginganlan pahinungod sa maong santos. Nangita og kasulbaran sa mga suliran sumala sa hingpit nga Kristohanong espiritu, ang ilang motto mao kini: “Initiative, Organization, Activity.” Tulo ka mga pulong nga naghulagway sa kinabuhi ni John. Wala siya maghulat lamang. Ang iyang lawom nga maanindot nga Kristohanong panglantaw naggabay niya pagpakigharong sa mga suliran sa bisan unsa kadak-on uban sa pagsalig nga nagsukad sa dili-matarog nga paglaum diha kang Kristo.
Si Saint John of Capistrano mao ang Santos nga Patron sa mga:
Judges / Maghuhukom
SUGYOT NGA PAHIDUNGGAN SA PAG-AMPO: