ni Jose “joesum” Sumampong, Jr.

ANG SAYSAY SA KAAGI

SA SANTOS KARONG ADLAWA

OKTUBRE  30,  2022

Saint Alphonsus Rodriguez

Detail | Vision of Alphonsus Rodriguez | Francisco de Zurbarán

Saint of the Day for October 30

(1533 – October 30, 1617)

Saint Alphonsus Rodriguez’s Story

Trahediya ug hagit mao ang mipasulabi sa sayo nga kinabuhi sa atong Santos karon. Apan si Alphonsus Rodriguez nakahibalag og kalipay ug kabuhong pinaagi sa yanong pagpangalagad ug pag-ampo.

Natawo didto sa Spain niadtong 1533, si Alphonsus nakasunod sa negosyo sa panapot gikan sa iyang banay sa edad nga 23. Sulod lamang sa tulo ka mga tuig, ang iyang asawa, anak nga babaye ug inahan nangamatay ug samtang ang negosyo nahisukamod.  Si  Alphonsus miatras aron makasud-ong sa iyang kinabuhi. Iyang gibaligya ang iyang negosyo, ug uban sa iyang gamay nga anak nga lalaki, mibalhin pagpuyo didto sa balay sa iyang igsuong babaye. Didto iyang nakat-onan ang pag-ampo ug pagpamalandong.

Sa dihang namatay ang iyang anak nga lalaki sa pag-abot sa duha ka mga tuig, si Alphonsus, nga hapit na magpangidaron og 40, miapil sa mga  Jesuits. Gumikan sa iyang hamubong pagtuon, duha ka mga higayon nga siya wala dawata. Sa gidugayon nga 45 ka mga tuig, siya ang tigbukas sa ganghaan sa tulunghaan sa mga   Jesuits didto sa  Majorca. Kon wala siyay mga buluhaton, iyang gigugol ang libre nga panahon sa makanunayong pag-ampo. Bisan pa niana, iyang nasinati ang daghang mga kalisod ug tentasyon.

Ang iyang kabalaan ug pagka-inampoon, nakadani sa kaghanan, apil kang  Saint Peter Claver, nga usa ka  Jesuit seminarian. Ang kahimtang sa kinabuhi ni Alphonsus isip tigbukas sa pultahan, mamingawon ug natingban sa kalaay, apan sulod sa pipila ka siglo nga miabot, kini nakabihag og pagtagad sa kaubang  Jesuit, nga si Gerard Manley Hopkins, usa ka tigsulat og mga garay kinsa mipahinungod kang Alphonsus og mga balak.

Si Alphonsus namatay niadtong tuig  1617. Siya ang Santos nga Patron sa Majorca.

PAMALANDONG

Malipayon kitang motuo nga ang Dios mopalipay ug motugyan og ganti sa mga maayo, bisan pa sa atong kinabuhi karon. Apan si Alphonsus nasayod kabahin sa kaalkansi ug pagka-hanaw sa pangnegosyo, masakit nga pagkawala sa suod nga kasikbit sa kinabuhi, ug mga panahon nga ang Dios daw atua sa hilabihan nga kahalayo. Apan walay usa niini nga kasakitan nga siya mitago sulod sa iyang selda sa tumang kamanghiraot ug pagbakho sa pagmahay. Hinoon, siya mapasigarboon nga miabot sa iyang isigka-ingon nga nagpuyo sa kawad-on, apil ang mga ulipon nga Aprikano.Misalmot sa iyang paglubong mao ang mga masakiton ug mga kabos kangsang mga kinabuhi iyang naabot paghikap. Agad pa unta sa ato silang ikahibalag sa atong kinabuhi isip mga tinuoray nga mga higala!

Si Saint Alphonsus Rodriguez mao ang Santos nga Patron sa:

Majorca

SUGYOT NGA PAHIDUNGGAN SA PAG-AMPO: